Ég sit hérna ein heima á meðan Billi stendur næturvakt á spítalanum. Það er svartamyrkur úti, trjágreinarnar dansa hér fyrir utan og banka af og til á gluggann hjá mér. Mannlífið í bænum lætur stundum í sér heyra, þó það sé ekki nema flaut frá bíl, eða öskur frá unglingum.

Þetta gæti litið út frekar einmanalegt, en málið er að það er það nefnilega alls ekki.

Jú ég væri frekar til í að hafa Billa hjá mér og vera að kósa okkur fyrir framan einhverja mynd, en í staðinn sit ég hér ein uppi í sófa, vafin sæng, með jólaöl á borðinu, tölvuna við hliðina á mér og stílabókina í fanginu og er að læra anatómíu. Þetta er bara hreint ekki sem verst, og ekki skemmir fyrir öll kertin sem er kveikt á. Það er nauðsynlegt að vera stundum einn með sjálfum sér. Ég er búin að ákveða að ég ætla að klára kaflann sem að ég er í, fara í heita sturtu og leggjast upp í rúm að lesa bókina sem er á náttborðinu hjá mér. Þetta hljómar kósí og ég hlakka mikið til. Ég mæli með því að allir taki sér allavega eitt til tvö kvöld í mánuði með einungis ykkur sjálfum og notið þann tíma til þess að gera eitthvað sem að ykkur finnst skemmtilegt og sem að hlúir að ykkur sjálfum. Mér finnst það að minnsta kosti voðalega gott. Þetta er orðið kannski frekar væmið innlegg hjá mér, en hvað um það.

Jólin nálgast óðfluga. Mér finnst eiginlega klukkan slá korter í jól! Af hverju getur þetta ekki verið eins og þegar maður var lítill? Tíminn fram að jólum var alltaf eeendalaust lengi að líða og maður iðaði af spenningi hvern einasta dag til þess að athuga hvað maður hefði fengið í skóinn. Svona er þetta ekki lengur. Ég er að vísu mikið jólabarn og hlakka alveg hrikalega mikið til jólanna en mér finnst ég ekki geta leyft mér að hlakka til þeirra fyrr en eftir próf. Þá ætla ég sko að gera mikið. Eftir prófin ætla ég að baka a.m.k. 3 smákökusortir, helst fleiri. Dunda mér við að skrifa á jólakort. Skreyta íbúðina okkar..nei ég hugsa að ég geri það nú bara þarna í byrjun desember. Hlusta mikið á jólalög. Ganga niður laugarveginn oft í jólastemmningunni. Föndra jólaskraut. Kaupa jólaskraut. Kaupa jólatré, skreyta jólatré. Kaupa þær jólagjafir sem að ég á eftir að kaupa. Pakka inn jólagjöfum. Fara í eins margar heimsóknir og ég get og bjóða eins oft og ég get heim í heitt súkkulaði og smákökur, og svo fullt fullt meira.

Ég hlakka allavega mikið til**

Ég elska jólin**

 

Nóg í bili, verð að halda áfram að greina mannslíkamann.

-BrynjA JólabarN

Nú held ég að það sé kominn tími til að endurvekja þessa síðu. Ég ætla allavega að reyna.

Nú er kominn nóvember og jii hvað tíminn líður hratt!! ... mér finnst svo stutt síðan að ég

var í París, en það var í janúar!!... Svona er víst lífið 

Ég ætla ekki að rifja upp hvað hefur drifið á daga mína síðan síðast heldur ætla ég að hafa þetta bara

alveg nýtt upphaf síðunnar. Ég ætla að reyna að vera dugleg að blogga, koma með góðar uppskriftir af því að mér finnst svo gaman að baka og elda...og fleira.

Í dag tók ég eftir því að bananarnir sem að lágu á borðinu voru orðnir frekar flekkóttir. Mér finnst svo sárt að henda mat svo

að ég ákvað að reyna að henda í eitthvað gott úr hráefnunum sem að ég átti til inni í skáp.

Útkoman var mjög góð, muffins. Ég kýs að kalla þær Haust Muffins, því að manni finnst alltaf vera kominn vetur í

nóvember svo að þetta er góð leið til að kveðja haustið 

Hérna er uppskriftin;

1 1/4 bolli hveiti
1 bolli haframjöl
1/2 bolli sykur eða strásykur (ég notaði venjulegan sykur)
1/3 bolli kakó
1/3 bolli kókosmjöl - má sleppa
2 tsk. lyftiduft
1/4 tsk. matarsódi

-blandið þessu öllu saman í stóra skál

Setjið í aðra skál það sem kemur hér fyrir neðan;

2 stappaðir bananar
1/2 bolli fitulaus mjólk, má auðvitað nota venjulega (ég notaði fjörmjólk)
100g. brætt smjör
2 eggjahvítur
1 tsk. vanilludropar

Blandið þessu öllu vel saman og hellið svo saman við fyrri blönduna. Blandið vel saman með sleif þangað til að þurrefnin eru öll orðin blaut.

Setjið síðan deigið í 12 silicon form og bakið í ca. 15min við 200°C og blástur. 

En ef að þið eigið ekki svona silicon form þá má auðvitað nota gömlu góðu bréf formin en þau eru minni svo að þetta ætti alveg að duga hátt upp í 35 þannig muffins.
En þá þarf bara að baka þetta í c.a. 10-12 min

Vona að þið prófið þetta og finnist þetta jafn gott og mér :)

Svo í síðustu viku fékk ég allt í einu svakalega þörf fyrir að búa til pastasalat! Ég fann nú enga ákveðna uppskrift af neinu

pastasalati sem að ég hafði áhuga á svo að ég skellti bara saman einhverju sem að mér finnst gott. Það er mjög misjafnt

hversu mikið magn hver og einn þarf að nota en þetta sem að ég gerði dugði mér og Billa 2 kvöld í röð, en við borðuðum l

íka hvítlauksbrauð með.

 

Ca. hálfur pakki Barilla fusilli pasta

2 egg

ca. 3-4 sneiðar af skinku

beikon eftir smekk

ca. 200 g oststykki

einhver tilbúin salatblanda

ein rauð paprika

hálf gúrka

kirsuberjatómatar-þið metið magnið

græn vínber - þið metið magnið

gular baunir - þið metið magnið

Sjóðið pastað í 11min og látið kólna, gott að láta það kólna í köldu vatni. Harðsjóðið eggin. Á meðan þetta tvennt er í pottinum er gott að skera niður grænmetið og skera ostinn niður í kubba og skinkuna líka. Steikja þarf síðan beikonið. Takið utan af eggjunum og skerið þau niður í bita og blandið öllu saman í stóra skál.

Dressing/sósa

sýrður rjómi

hunang

dijon sinnep

smá karrý

Þið verðið bara að prófa ykkur áfram með sósuna upp á magnið að gera.

Það er bæði gott að blanda sósunni við salatið en einnig má hafa það "on the side"

Berist fram með hvítlauksbrauði

 

Þetta tvennt er það sem ég ætla að byrja á og svo vonandi verð ég duglega að setja inn fleiri góðar uppskriftir.

-BrynjA